A Chuahkehnak A Miphun Pawl Ti Lian Harnak A Tongmi Bawmhnak A Pek Hna Lonak A Ruang A Chim

Photo model min thang a simi le actress min ngei zong a si i singer zong a si chihmi May Panche nih a chuahkehnak Mon state ah ti lian har a tongmi pawl bawmhnak a pek hna lonak a ruang cu a chim.

Mah hi a chimmi bia hi Cele Gabar nih interview a tuahnak ah a chimmi a si i a chimmi cu hi ti hin a si. Kum 27 ka si tiangah a tu a voi khatnak ka theih bak a si i ka lung ai nuam lo taktak khi a si.

Ka rak tthang liannak hmun le hma ah mah bantuk thil ttihnung a cangmi hi kai zumh kho loh. Thih le loh tiang an tong hna timi ka theih hrimhrim ah hin ka lung fah ka celh loh.

Ka nu le ka pa an thawngpang cu a ttha ko timi ka theih i kai lawm tuk. Sinain ka tta pa le a nupi a fale an umnak balte hi ti a lian pah ve. Mi dang zong nih ti lian har a tongmi pawl cu an bawmh cio hna i kei zong bawmh ding ka si ve.

Bawmhnak phaisa chuah ding zong ka ngei ko. Sinain a tu i bawmhnak ka pek hna lonak a ruang cu tlawmpal i khawng deuh ning law tam deuh in bawm hna ning ti ka duh caah a si. Mi cheu nih cun mah chuahkehnak a philhmi a si tiah an ka soisel kho men nain kai timhmi cu mah kha a rak si tiah a chim.
REF:Cele Gabar

Be the first to comment

Leave a Reply

Your email address will not be published.


*