A Rau Hlan Ah Sifak Dirhmun Ah Na Phan Zau Lai Timi A Langhnak 5

A ho hmanh hi rum peng le sifah peng hi a si kho loh i mah tuahsernak si seh hualvan si seh rum le sifah kongah hin ai pehtlaimi a si.

A tu kan langhter dingmi cu rau lo teah sifak dirhmun na phan zau lainak a ruang 5 an si hna lai. 1nak a ruang cu na hmuhmi leng in na hmang.

Na kawlmi cu hmannak nawl na ngei ko nain ralrin ah nai chiah hna loh. Cu caah na ttuan khawh lioah cun a lang lem lai lo nain na ttuan khawh ti lo hnu ah sifahnak nih an nenh colh lai.

2nak ah a larmi thil paoh na duh. iPhone 5 nai cawk cang nain iPhone 5s a hung lar ruangah cawk na duh tthan. Na herhnak caah hmang loin a hleivuang in na hmang.

3nak ah a ho hmanh na bawm bal hna loh. Mi bawmh timi hi mah sin ah a kir i mi nih bawmh an rak in hal lioah na rak bawm duh hna lo ahcun na har tikah har taktak in na har lai.

4nak ah phaisa i khawn ve nai tim loh. Tlawm tete i khawn zonga hi hmailei caah a rak ttha hnem timi kha na theih ko buin nai tim loh. 5nak ah mah zuamnak um loin hualvan(van tthatnak) lawng nai bochan.

Ka van ttha te lai i ka rum te ko lai tiah na ruah. Cu caah zuamnak na ngei loh duh salam in khua na sa i a herh lomi ah caan na liamter hna. Van tthatnak nih an tawngh te lai caan kha na hngak.

REF:Original Writer

Be the first to comment

Leave a Reply

Your email address will not be published.


*