Kum 70 Leng Tar Hna Nupa Le Namte Ai Kenmi Mifir Pahnih An I Tthuat Lio (video)

Mah hi thil a cangnak hi India ah a si i hi hnu nupa hi tar lei an panh cang. An kum in cun kum 70 leng an kai cang nain mifir pahnih cu zei hmanh ttih lo tein an rak phomh ve ko hna cu a si.

An ral a tthat tuknak cu mifir pahnih hin namte an i keng ko buin zei hmanh an ttih hna lomi hi a si. Mah hi video hi an inn ah an bunhmi cctv camera a hme phun nih a recordmi a si.

A nupi zong hi nu a si nain a mah le a pasal mifir pawl nih an van velh a hmuh ahcun mifir pawl cu a hmuhmi thilri paoh in a chehnak hna.

Mifir pawl nih cun an an ti ngam taktak hna loh timi kha an theih ruangah heh tiah an rak ralchanh hna i a donghnak ah mifir pahnih cu lo diam in an zam hna.

An ral tthatnak le an lung ai rualnak cu mipi nih an uar tuk hna. Nu le va timi cu thih ah thih tti nung ah nung tti ding lawng si loin fah tuar ah tuar tti ding le nuamh tuar ah tuar tti dingin fonhtonhmi kan rak si hna.

Laimi zei maw nuva hna he cun an i dang ngai hna. A bikin Lai nu pawl hi pasal cung vialah tthat lo ngai i mah bantuk thil ttihnung van tong tikah zam taak phunphai a hmangmi kan tam.
REF:INDIA

Be the first to comment

Leave a Reply

Your email address will not be published.


*