Marcelo : C.Ronaldo Nih Real A Chuah Tak Lai ah Khan Biathli A Rak Ka Chimh Cia Cang

Real Madrid kehlei hnukham “Marcelo” nih cun Juventus hmaikal C.Ronaldo nih Real Madrid a chuah taak lai ah khan Real Madrid ka chuah taak cang lai tiah kei mah sin ah a thli tein a rak ka chimh cia mi a si tiah a chim .

Marcelo le Ronaldo hi Real Madird ah hawi hlei in aa kom mi le aa daw mi an si tiah zaa pi nih theih mi an si . Ronaldo cu Juventus a luh kaa te zong ah khan a hawi pa Marcelo cu ka sin ah rak ra ve ko tiah a rak sawm chih tiah theih a si fawn .

a tu ah hin Real Madrid Coach a si mi “Solari” nih cun Marcelo hi a hmang duh tuk ti lo i a mah ai ah mi no te a si mi “Reguilon” tu hi a duh deuh cang tiah theih a si fawn . Madrid derby puai zong ah Marcelo cu a dam tha ko nain a chuih ter duh lo ti a si fawn .

hi kong he peh tlai in Marcelo cu Ronaldo nih Real a chuah tak hlan ah ka chuah tak lai tiah an chim cia bal maw tiah an hal tik ah , Marcelo nih a leh mi hnaa cu , nikum i Champion league final Liverpool he chuih ding kan si i training kan tuah nak ah Real ka chuah tak cang lai tiah aka chimh bal tak cang ko . a si nain hi kong hi ka chim duh bal lo tiah Marcelo nih cun a chim .

C.Ronaldo nih Juventus ah chuih ve ding in teh an sawm maw tiah an hal tik ah , Juventus cu vawlei cung huap in team tha mi le min a ngei tuk mi a si ko nain kei cu Real ah contract a ngei lio mi ka si caah ka thinlung ah a um lem lo tiah a chim .

Marcelo nih cun Real Madrid cu upat ngai bantuk in bia a leh hna nain , a tu season a dih hnu cun Real Madrid hi a chuah tak colh te ding in an zumh cio .

Be the first to comment

Leave a Reply

Your email address will not be published.


*