Tisawr Cungah An I Selfie Lioah An Ke A Nal Sual I Nungak 2 An Tla! (video)

An kum in cun mah hi nungak pahnih hi kum 19 an si i a hmet tein ai kom cangmi hawikom ttha an si. An tlaknak tisawr hi a sang pe(ft) 200 leng a si i a tang hi lung a tam ngainak hmunhma a si.

Van chiat ah an tlaknak hmun hi ti cungah si loin lung cungah a si ruangah an nunnak a liamnak cu a si. An pahnih chungah pakhat deuh cu an tlaknak hmun ah a nunnak a liam colh i a dang pakhat deuh cu sizungah an kalpi lio lampi cungah a nunnak a liam tiah theih a si.

An hawile he nuamhnak ah mah hi tisawr ah hin an rak ra hna i an zate in nungak hawikom rual 8 an si hna. An hawile dang cu ti an i lio hna lioah an nih 2 cu tisawr a rak tlaknak tlang par ah an kai i an i selfie.

A tla hmasami hi Myo Nanda a si i a hawinu Ma Su Myiat Way nih a tleih manh. Sinain cu ti a tleih lio ah cun Myo Nanda a pum khing nih a dawh chin i an pahnih ning tein an tla tti cu a si.

Cu caah zei kan tuah paoh ah siseh i ralring bu tein tuah hi a ttha i nuamhnak kan timi thil zong nih hin kan nunnak a kan lak khawh timi hi philh hna hlah u sih.
REF:Myanar News

Be the first to comment

Leave a Reply

Your email address will not be published.


*