US Air Force Nih F-35 Pilot Caah A Voi Khatnak Cem Bantuk In An Thimmi Nu

Hi nu hi US Navy ah bawi pakhat a si i fim thiamnak sang taktak he sermi F-35 a mawngtu dingah a hmasa bik thimmi nu a si tiah NY Post nih a langhter.

Catherine Stark, kum 24 te lawng a si rih i a mawngh dingmi F-35 hi F-35 C Lighting II phun a si lai. A tu ah hin pilot training cu a kai cang lai i F-35 hi Lockheed Martin nih 2015 kum ah khan a rak sermi a si.

F-35 pakhat sernak caah hin US dollar 57 million hrawng a dih i a tu lio US nih a hmanmi F-18 zawn ah hin umter an timh ruangah pilot training cu a hlan nakin kau deuhin an tuah cu a si.

F-35 C Lighting II pawl hi Nuclear engine in ai mawngmi tilawng ngan pawl cungah a ttum a kai kho dingin sermi a si. Catherine hi nu menmen cu a rak si loh.

2016 kum lioah khan US Navy academy sianginn ah jet fighter engineer degree a rak la khomi nu thluak ttha ngai a si. Cu hnu ah kum 1 le cheu chung fighter mawngh dan training a cawng i a tu bantuk in F-35 mawngtu ah a tling khawhnak cu a si.
REF:NY Post

Be the first to comment

Leave a Reply

Your email address will not be published.


*