US Le Peru Cu Hngakchia Mummy Ruak Kongah An Buai

A hmasa bik ah Mah hi hngakchia mummy(hlan lio chan i thu-maan lo dingin sii chunhmi ruak) hi kum 2000 a hlun cangmi a si i a sunglawi tukmi a si. US nih a hmuh hmasa cem i ro sunglawi pakhat bantuk in ai fiimtawl nain mah hi hngakchia mummy a tuanbia cu ttha tein an zohfel tthan tikah Peru he ai pehtlaimi a si caah US nih hlan lio ro sunglawi 1 a sung tinak a si.

Mah hi hngakchia mummy hi Peru ram, Aymara timi miphun a si i bawi si lo le mi lian ngan fa a rak si tiah zumh a si. A ruang cu a hlan lio chan ah cun mi lian ngan le siangpahrang, bawi pawl lawng hi an ruak thu-maan lo dingin an rak ser hna.

A tuanbia dik tak cu an thei kho lo nain Peru ram kokek miphun a si timi cu an fiang khawh. Cu caah US nih kum tampi chung Texas state, Corpus Christi town ah a ummi science and history showroom ah a fiimtawlmi mah hi hngakchia mummy ruak cu Peru a coah sinah pung ning tein a pek tthan cu a si. Peru nih ram dang dang ah a ummi a ram thilri hlun pawl zong lak tthan ai timh hna.

Be the first to comment

Leave a Reply

Your email address will not be published.


*