Vokpi Bak Na Si Ko Na Thau Ning Hi Tiah A Tlangval Nih A Ti Ruangah A Thah!

Nu nih an huat cemmi cu na thau tuk ti hi a si i pa nih an huat cem vemi cu na der tuk ti hi a si ve. Cu caah a ho kan si ah tlamtling lonak in a khatmi kan si dih hna timi hi i theih piak cio ah a rak ttha cem.

A tu zong hi ai uar liomi bak an si ko nain bia pakhat te chim sual ruangah a nunnak tiang a liam cang. Mah hi nu hi a thau cu a thau ngai ve nain a tlangval pa hi pa der nawnte a si i an i rem ngai.

Nu thau nih pa der an duh bantuk in pa der nih nu thau an duh ve hna timi kha an langhter. Sinain a tlangval hi mi capo huam ngai le holh ai sum lo ngaimi a si.

Lam an kal pah liopi ah na thau ning hi naihrawng cu vokpi bak na si taktak cang ko tiah a ti ruangah hi nu nih dawr ah an cawkmi cahrep cu ai chuah colh i a thin hang tuk lung in a sawh cu a si.

Mah le nungak cu cawi sang um loin a sawi phunphai in sawi timi hi cu a rak palh ngai ve. Cu ti a sawi ding ko ah cun a ziahnak a uar hlei le mu? Sawi le sawi fawn nungak ah le i tleih peng fawn cu a ttha lo ngai.

An kum in cun kum 20 hrawng an si i hna i ice cream cawk a hauh ruangah na thau tuk cang bu ah hin maw ice cream ei na duh rih ko tiah a timi te kha ai fahsak tuk. Cu caah pa pawl na nungak a si seh nan nungak a si lomi si hna seh a thau ciami kha na thau tuk tiah ti hna hlah u mu.
REF:Taiwan

Be the first to comment

Leave a Reply

Your email address will not be published.


*